Pagkalagas ng Iyong Buhok

Ilan sa mga gamot na ginagamit sa chemotherapy ay nagiging dahilan upang malagas ang ilan o lahat ng buhok ng pasyente habang nagpapagamot. Sa pagdaan ng mga gamot na ginagamit sa chemotherapy sa katawan upang sugpuin ang kanser, ilan sa mga gamot na ito ay pumipinsala sa ugat ng buhok at nagiging dahilan upang malagas ang buhok.

Ang ibang pasyente ay nakakaranas ng pagkalagas ng buhok ngunit ang iba naman ay hindi kahit na magkaparehong gamot ang ginagamit. Mayroong gamot na nagiging dahilan sa pagkalagas ng buhok sa buong katawan, ngunit ang ibang gamot naman ay nagiging dahilan ng pagkalagas lamang ng buhok sa ulo. Kung mayroon mang malalagas na buhok, madalas itong nagsisimula sa loob ng dalawang linggo mula nang simulan ang chemotherapy at lumalala sa loob ng isa hanggang dalawang buwan. Kumpul-kumpol itong nalalagas na makikita mo sa unan sa umaga o di kaya’y sa pag-shampoo o pag-suklay mo ng iyong buhok.

Ang pagkalagas ng buhok ay hindi pirmihan at maaaring tumubong muli bago pa matapos ang paggagamot. May ilang pasyente ang nagsasabi na ang kanilang bagong tubo na buhok ay naiiba ang habi o kulay kaysa dating buhok.

Mga Pamamaraan upang Makayanan

• Pumili ng peluka bago magsimula ang paggagamot ng sa ganun, ang kulay at habi ng buhok ay magkapareho.
• Maging creative! Sumubok gumamit ng mga makulay na turbante o bandana o di naman kaya ay subukan ang maging kalbo.
• Humingi ng reseta mula sa iyong manggagamot dahil madalas, ang halaga ng peluka ay binabayaran ng insurance.
• Sumubok ng iba’t ibang uri ng peluka, turbante o sombrero hanggang makahanap ka ng isang talagang gusto mo
• Magsuot ng sombrero o bandana sa labas kung malamig ang panahon upang maiwasan ang mawalan ng init ng katawan.
• Kung naisin mong maging kalbo na lamang, gumamit ng sunscreen, sunblock o sombrero upang mapangalagaan ang iyong anit laban sa araw.
• Maaaring huwag mo masyadong suklayin ang iyong buhok o initin ng hair dryer, electric rollers o curling iron upang mabawasan ang pagkalagas at pagkasira ng buhok.
  

Email This Page: