Mga Katanungan para sa Iyong Manggagamot

Pakikipag-usap sa Iyong Manggagamot

Mahalagang alamin mo ang iyong mga pangangailangan bago ka makipag-usap sa iyong mga manggagamot. Mabuti rin na malaman mo ang mga pamamaraan ng iyong manggagamot sa pag-bigay ng mga kaalaman o impormasyon sa iyo.

• Gaano karaming impormasyon ba ang nais kong malaman tungkol sa aking kalusugan?
• Paanong pamamaraan ang nais kong gamitin ng aking manggagamot sa pagpaparating sa akin ng mga ganitong impormasyon (halimbawa, agad tapatin ako o di-kaya’y dahan-dahan)?
• Anong uring kalagayan ang nais ko sa oras ng aking pakikipag-usap sa aking manggagamot (tahimik, walang gumagambala, mayroong isang tape recorder o di-kaya’y may kasamang kamag-anak upang marinig ang anumang impormasyon)?
• Paano bang magpasiya ang aking manggagamot at paano ba siyang magbigay ng impormasyon sa akin?
• Sa aking pagpapasiya tungkol sa uri ng paggamot sa akin, ano ba ang pinaka-mahalaga sa akin (nais ko bang mabuhay ng matagal, gusto ko bang mabawasan ang masasamang epekto, nais ko bang makaiwas sa masakit)?
• Mayroon ba akong magagawa upang mapadali ang pakikipag-usap ko sa aking manggagamot?
• Alin sa mga masamang epekto ang nangangailangan ng madaliang pansin?
• Paano akong makikipag-alam sa aking mga manggagamot sa oras ng biglang pangangailangan?

Mga katanungan para sa iyong mga manggagamot tungkol sa iba’t ibang uri ng paggamot

• Bakit mo inirerekomenda ang ganitong paggamot o pamamaraan? Ano ang inaasahan mong bisa sa akin ng ganitong paggamot?
• Anu-ano mga panganib ng ganitong uri ng paggamot o pamamaraan? Ako ba ay nanganganib sa mga masamang epekto?
• Gaano katagal ang ganitong uri ng paggamot? Gaano kadalas kong kakailanganin ito at paano ito isinasagawa?
• Maliban dito, mayroon bang ibang pamamaraan na di gaanong matindi?
• Ano ang maaaring mangyari kung sakaling hindi ako magpagamot?
• Anu-ano ba ang mga palatandaan na karaniwang nagpapahiwatig sa ganitong uri ng aking kanser at paano ba ang mga ito ginagamot?
• Paano ba itong iba’t ibang uri ng paggamot makaka-epekto sa uri ng aking pamumuhay? Magagawa ko pa ba ang mga bagay na aking ikinakasiya? Makakapag-trabaho pa ba ako, maaalagaan ko pa ba ang aking mga anak, makakapag-bakasyon pa ba ako?
• Anu-anong pagbabago sa aking pamumuhay ang nais ninyong irekomenda habang ako ay nagpapagamot?
• Paano at kailan malalaman ang bisa ng ganitong uri ng paggamot?

Email This Page: